വിശ്രമം

ഞാൻ ഇന്നൊന്നു വിശ്രമിച്ചു

ഓടുന്ന കാലത്തെ മനസ്സുകൊണ്ട് കടിഞ്ഞാണിടാൻ നോക്കി

ഒരു കൂസലുമില്ലാതെ സ്വന്തം കാര്യം നോക്കി ഓടുന്ന കാലത്തെ അസൂയയാൽ നോക്കി

പിന്നെ വീണ്ടും എന്റെ ലോകം

ഇവിടെ കാലമില്ല

ഉണങ്ങിയ ഭൂതകാല പർവതങ്ങൾ

അതിന്റെ താഴ്‌വരയിൽ തളംകെട്ടിയ വർത്തമാന കണ്ണീർ തടാകം

നാളെയുടെ തീരങ്ങൾ

ഇവ കാലത്തിന് അതീതമാണ്

സ്വപ്നങ്ങളും ഓർമ്മകളും ഒരു ദീർഘനിശ്വാസമാകവേ

എന്റെ മേശപ്പുറത്തെ ടൈംപീസ് ഓടിക്കൊണ്ടേയിരുന്നു...