വേശ്യ

ഉള്ളിലെ ദാഹവും പേറിയാണ് 

അന്നയാള്‍ ആ റോഡില്‍ പോയ്നിന്നത് 

വില്‍പ്പനവസ്തുക്കള്‍  ഓരോന്നിലും 

കുറ്റവും കുറവും കണ്ടെത്തി അയാള്‍ 

വിലകൂടിയതും ഭാരമേറിയതും

പഴയതും വികൃതങ്ങളായവയും 

ദാഹത്തിന്‍റെ തീവ്രത കൂടിവന്നു

ഏതോ മൃഗത്തിന്‍റെ ഗര്‍ജനവും

ഒടുവില്‍ വാങ്ങിയയാള്‍ കൊണ്ടുപോയി,

അയാളുടെ വീട്ടിലേക്കാവസ്തുവിനെ 

ഏതോ ലഹരിയില്‍ ആ വീടലിഞ്ഞു 

അവളുടെ നിലവിളി അവിടെ തിങ്ങി നിന്നു 

ഓരോ നിലവിളിയും പക്ഷേ പ്രതിധ്വനിച്ചത്

അവളുടെ വീട്ടിലെ ഭിത്തികളിലായിരുന്നു 

കഞ്ഞി കുടിച്ചുറങ്ങുകയായിരുന്നു 

അവളുടെ മക്കളും അമ്മയും!