മാന്യന്‍

  

കരയുകയല്ല ഞാന്‍ ഇന്ന്

ചിരിച്ചു പോയി

ആദര്‍ശങ്ങളും വികാരങ്ങളും

കൊട്ടിഘോഷിട്ട്,

അവസാനം തോറ്റു

എന്നെ നോക്കി ഞാന്‍

ആര്‍ത്തു ചിരിച്ചു

----------------------------------------------------------------------------------------

രാത്രികള്‍ എന്റെയൊപ്പം

നക്ഷത്ര കണ്ണുകള്‍ ചിമ്മി

ഉറക്കമൊളിച്ചു

ഉറങ്ങാതെ ഞാനും രാത്രിയും

പ്രേമിച്ചു

വീണ്ടും ആദര്‍ശങ്ങളും വികാരങ്ങളും

കൊട്ടിഘോഷിട്ട്

ഞാന്‍ രാത്രിയില്‍ എന്നെ മറന്നു

രാത്രി അവളേയും

എങ്കിലും അവളും ഞാനും

പകലിനോട് തോറ്റു

വീണ്ടും ഒരു രാത്രിക്കായി കാത്തു

ആദര്‍ശങ്ങള്‍ മാറി

വികാരങ്ങള്‍ മാറി

തോല്‍വി തോല്‍വിയല്ലാതായി

രാത്രികള്‍ മാറി മാറി വന്നു

അവരെല്ലാം ഒരു പകലില്‍ മാഞ്ഞു

ഞാന്‍ ഞാനായി നിന്നു

തോറ്റിട്ടും തോല്‍ക്കാത്ത

ഞാന്‍....

--------------------------------------------------------------------

ഒരു പകലില്‍ ഒളിഞ്ഞുനിന്ന്‍ ഏതോ

ഒരു രാത്രിയെന്നെ വിളിച്ചു

‘പകല്‍മാന്യന്‍ ‘

നുരച്ചുപൊങ്ങിയ വികാരങ്ങള്‍

പോള്ളിപ്പോയ ആദര്‍ശങ്ങള്‍

തോല്‍ക്കാതെ പകലില്‍  ഞാന്‍

ഞെളിഞ്ഞു നിന്നു മാന്യനായി

പകല്‍ എന്നെ നോക്കി ചിരിച്ചു

ഏതോ രാത്രിയുടെ രക്തക്കറ പുരണ്ടചിരി

കരിഞ്ഞ മാംസത്തിന്റെയും

ചൂട് ചോരയുടെയും

ലഹരിനുണഞ്ഞു ഞാന്‍

വീണ്ടും രാത്രിയിലിതാ ഉറങ്ങുന്നില്ല

ഞാന്‍  മാന്യന്‍

________________________________