ഉറക്കമില്ല
അത് നിന്‍റെ സമ്മാനം
രക്തത്തില്‍ നീ വേദന അലിയിച്ചു
സിരകള്‍ പൊള്ളി
നിലക്കാത്ത വേദന ഒരു പ്രവാഹമായി
എന്‍റെ സിരകളിലെ രക്തപ്രവാഹത്തില്‍ ഞാന്‍ മുങ്ങി
എന്‍റെ ചോരയുടെ മധുരവും കയ്പും ഞാന്‍ നുകര്‍ന്നു
ആ ഒഴുക്കിന്‍റെ താളത്തില്‍ ഞാന്‍ മുഴുകി
എന്‍റെ മധുരവും നിന്‍റെ കയ്പ്പും
നമ്മുടെ താളവും
താളത്തില്‍ ഞാന്‍ പാടി
ഒഴുക്കില്‍ മുങ്ങിയ എന്‍റെ പാട്ടുകള്‍
കുമിളകളായി ഹൃദയത്തില്‍ പൊങ്ങിവന്നു
എന്നിട്ടു പൊട്ടി
അതെന്‍റെ സിരകളില്‍ തട്ടിത്തെറിച്ചു
താഴെരക്തതിലലിഞ്ഞു
ഒരു വേദനയായി
No comments:
Post a Comment