അക്കരപ്പച്ച

പറ്റിപിടിച്ച പായലാണ് നീ ഉള്ളില്‍
ഇന്നലെയും ഞാന്‍ ഒന്ന് തെന്നി വീണു

പച്ചപായല്‍  സന്ധ്യയുടെ മൂകതയില്‍ എന്നെ നോക്കുന്നു
പച്ചപ്പുല്‍വിരികളുടെ വെയിലുള്ള പ്രതാപസ്മരണകള്‍ ഒരു കാറ്റായടിച്ചു

'പച്ചപ്പുല്‍വിരികള്‍ക്കടുത്തു ഒരരുവിയും ഒരു മരവും
മരത്തിനു ചുറ്റും ഒരു വള്ളി പിണഞ്ഞു കിടക്കുന്നു

ആ വള്ളിയുടെ വേരുകള്‍ മരത്തില്‍ ആഴ്ന്നിറങ്ങിയിരുന്നു
അന്നടിച്ച ഇളംകാറ്റ് ഒരു പാട്ടായി ഉണര്‍ന്നിരുന്നു '

വീഴ്ചയില്‍ നിന്നു ഞാന്‍ എഴുന്നേറ്റു ; കാറ്റില്‍ മുറിവുകള്‍ നീറി
കൈയില്‍ പറ്റിയ പായല്‍ തുടച്ചുനീക്കി ഞാന്‍
അക്കരയ്ക്കു നോക്കി - അക്കരപച്ച